Nuovo Consiglio Direttivo, Open Day e nuovo Anno Accademico: pronti per ripartire!
MARIO GRAZIUSO Ripresa dell’attività sociale dell’UNIPOP “A. Vallone” di Galatina Confermato il Presidente e affidati gli incarichi ai consiglieri Trascorso il lungo periodo di inattività... Leggi tutto...
Sfogliando Galatina: una iniziativa per ripartire
Dopo questi mesi di inattività forzata, l'Università Popolare ha aderito con entusiasmo a una iniziativa del Patto Locale per la Lettura di Galatina, firmando la prima delle passeggiate letterarie... Leggi tutto...
Riconvocazione Assemblea dei soci ed elezioni
Riconvocazione Assemblea dei soci ed elezioni Dopo questo lungo periodo di forzata inattività, il Consiglio Direttivo ha trovato, grazie alla disponibilità dell’Amministrazione Comunale, la sede... Leggi tutto...
Nuova sospensione delle attività
La presenza di casi di coronavirus sul territorio di Galatina e l'ordinanza di chiusura delle scuole emanata dal sindaco ci hanno consigliato un ulteriore consulto medico dal quale è emersa ... Leggi tutto...
Ripresa attività e nuova data per assemblea ed elezioni
Dopo un consulto medico, il Consiglio Direttivo ha deciso di riprendere le attività lunedì 2 marzo alle ore 18, con la conferenza del prof. Mario Graziuso “L’ultima rappresentazione sacra del... Leggi tutto...
In memoria di Piero Manni, editore
Da qualche giorno il Salento e il mondo della cultura sono più poveri: il 22... Leggi tutto...
Stagione teatrale a Lecce
In allegato il programma della stagione teatrale del Comune di Lecce (teatri... Leggi tutto...
Stagione teatrale a Cavallino
  CITTA' DI CAVALLINO - TEATRO "IL DUCALE" Stagione teatrale 9 Dicembre 2017 -... Leggi tutto...
Finalmente online!
1° Settembre 2010 nasce il sito dell' "Università Popolare Aldo Vallone... Leggi tutto...
Autri pinnuli PDF Stampa E-mail
Poesia salentina
Scritto da Giovanna Scaramella Barone   
Sabato 11 Dicembre 2010 13:31

Amore materno

 

Era nna sira tardu de sciuetia

sulu sulu a casa sta turnaa,

de picca ia lassata la fatia

allegru e spensieratu fischiettaa.

Lu mundu nu mme paria filu malvaggiu

ma  chinu de bellezza e de  bonta’

perfinu lu ientu nu tenia curaggiu

cu llea l’urtime fronde all’arveri

e duce duce fiataa.

La luna chianu chianu sta

bbessia,

la prima stella  a ncelu tremulaa,

quand'eccu se presenta all'ecchi mei

nna  scena ca me enchiu de  indignazzione

de disgustu de pena e de pieta’:

Nnu uastasone st’attia nna ecchia

ca pereddha nu sse defendia

decia sulu china de terrore:

“Basta, basta, Ronzinu, mmalecore!”

Ma quiddhu de ddha ricchia nu ssentia,

cu cauci e pugni a nterra la stise

e comu segni de vita cchiui nu ddia

ni lliau li sordi e a mpauta se li mise.

Nu nciddi cchiui

lu sangu all’ecchi m’ia tuttu salutu,

me nvicinu, lu zziccu pe giacca

ddo pugni  ni sferru,

iddhu cerca cu scappa

ma ieu lu trattegnu,

a nterra se mina,

pe anche lu tegnu

ni storcu le pete,

li sordi rrubbati cu rraggia ni lleu.

Ma eccu pe razzu me sentu terare

me giru e cce bisciu:

la ecchia tremante de terra s’ia ausata

la esta de sangu s’ia tutta llurdata

ncurante de tuttu  a mienzu se minte

la manu me pigghia e chiangendu ripete:

“Nu nni fare male, nu nni fare male,

figghiuma  ete!”

Poi se ngenucchia

de terra cerca lu ntisa

e se lu ncarizza.

Nu pozzu uardare

a ncore me sentu nna pena e nna stizza!

Me lluntanu pensandu:

tuttu a stu mundu e’ buscia,

nna cosa de buenu  lu signore ni dese,

nna cosa rande senza pretese

ma ni nde ccurgimu sulu quandu e’ tardu,

percio’ la trattamu senza riguardu.

Lu celu intantu s’ia enchiutu de stelle

la luna d’argentu maestosa avanzaa

nna stella piccinna cchiui de mille fiammelle

mmienzu all'autre cchiui' randi brillaa.

 

***

 

Natale

 

Quando li rre maggi iddera

ddha stella ca lucia

e bbenchìa l’universu te splendore

dìssera: “Ha natu, ha natu lu Messia,

ca ete te lu mundu Salvatore”.

 

Se misera an camminu

e quando rriara a llu paise

a ddu Erode regnaa

ni dissera: “ Canusci, Ssignuria,

lu lecu ddunca è natu lu Messia?”

 

“ No” ni respuse, “ ete la prima fiata

ca nde sentu parlare,

ca lu sentu numerare

ma se lu ttruati

me lo comunicati

cussì ieu puru lu pozzu adorare”.

 

Camenara e camenara li rre Sapienti

e llu ttruara sutta alla grotta

ddunca ancora stia.

Oru argentu e mirra ni dunara

ngenucchiati ddrha nnanti allu Messia,

ma alla reggia de Erode nu turnara

percè capera ca iddhru sta mentia

e ulia lu mamminieddhru cu llu ccia

ca cu perda lu regnu sou temìa.

 

Ieu nu tegnu nienti cu nni dau

allu Signore

ma ulia cu ssenta ste parole:

“Stuta lu fuecu

ca arde e consuma

l’amore e lu core”.

Allu Mmamminu n’autra preghiera

Ogghiu ni fazzu:

cu ni lassa contenti stare a nvita,

cu lla ggente stescia tutta unita

Cristiani o nun Cristiani nun divida.

 

***

 

LA NNAMURATA MIA

 

La nnamurata mia osce se sposa!

La isciu mara mara ca se este,

la uardu e chiangu

ma iddhra nu me sente.

 

Allora me nvicinu chianu chianu,

la mbrazzu, la ncaririzzu e nni suspiru:

“Ndaticchia mia, fuei maru stu destinu!

Lu Padreternu nun ibbe cumpassione

de ddo vagnoni ca se ulianu bbene

e nni fice ppruare amare pene.

 

Te rrecuerdi… nfacciata allu balcone

tutte le sire alle ottu me spettai,

ieu, lassata te pressa la fatia,

rria’ puntuale all’angulu e fescaa,

poi salia a quattru a quattru li scaluni

e rriatu a menza scala te mbrazzaa.

 

…E cci se pote scerrare te ddhra fiata

ca ni scoprera ca ni sta asammu

ddo misi ni proibbera cu bbessimu,

ddo misi de luntanu ni uardammu.

 

…E te rrecuerdi te quandu ieu cadii te la fatia

e rimasi sei misi intru allu liettu?

Tie ogne giurnu  enìi me bagnai

te lacrime lu piettu.

 

… E te rrecuerdi te ddhr’autra fiata…

Beh, lassamu perdere

mo te sta spuesi n’autru

e de l’amore nesciu t’ha scerrata!

 

Nna lacrima ni scinde sulla esta

ca chianu chianu se sta sci’ mentia

e ieu me sentu lu core ca me zzumpa a mpiettu

pe llu rimorsu e pe lla gelusia.

 

Allora cercu te neu cu me la mbrazzu,

ma iddrha nu me ite e sse lluntana

ieu la secutu, la stringu

ma riescu sulamente…

cu nni mmou n’angulieddhru

te la este.

 

Cce pozzu fare…

Su mmuertu e nu me sente,

ma poi penzu ca quarche cosa

pozzu ancora fare:

me trasformu a ientu

ni giru nturnu nturnu

e chianu chianu

ni ssucu la facce e l’ecchi

tantu amati

ca te lacrime d’amore

s’ia mmuddhrati”.

 

***

 

Caru amicu

 

N’anticu proverbiu

caru allu potere

dice ca “l’Essere sta nell’avere”.

 

Ma ieu ca vivu mienzu alli pezzienti

dico ca è megghiu cu nun aggi nienti.

 

Nu tieni ricchezze, nu tieni poteri

ma certu tieni amici sinceri:

quiddhi ca te ticenu allu besegnu:

“Lu bene ca m’ha fattu nu me lu tegnu”.

 

Ma su cci pote veramente cuntare

Ci s’à ccattatu amici e parienti,

ci ha dispenzatu  cariche e onori a tanti fetienti

e alli mbrugghiuni  ha fattu favori

quando era potente e sull’allori?

 

 

Seneca lu disse ddomila anni rretu:

“Magna servitus est magna fortuna”

(Nna rande furtuna ete nna rande servitù).

 

 

Ahi pueri ricchi, pueri naecanti

intru lu mare maru te la vita

cu pozzanu lu potere mantenire

tocca cu tegnanu sordi a nun finire .

 

Amicu miu, nun bogghiu cu te sfuttu,

lu sacciu cce te sienti

quandu a fine mese rri^ cu mille stienti.

Ma uei mintere la soddisfazione

Cu  biessi libberu e cu pueti ticere a tutti

quiddhu  ca sta piensi:

alli politici, alli fausi amici, allu governu

all’amministrazione?

 

Se poi ha fattu bbene senza ccerchi ricompensa

se ha fatiatu sempre cu cuscienza

se le lacrime te l’ amici ha’ ssucatu

se te lu male ca t’hanu fattu  t’ha  scerratu

e te rrecuerdi sulu te ddha fiata ca t’hanu iutatu

ha stipatu intru alla mattra  nnu tesoru

ca ale cchiui te ddo quintali d’oru

ca né li latri né li nimici cchiù tristi

né li putienti

Te potenu rrubbare o fare nienti.

 

 

***

 

Ci rrubba picca...

 

Don Pippi intru alla chiesia

nnanti a Cristu an Cruce

cussì se lamentaa:

“Signore,  dicenu ca

ci rrubba picca ae a ngalera

e ci rruba mutu face carriera

ieu nu bbulia cu penzu

ca è propiu peccussine

ma comu te spiechi,

Ssignuria,

ca ci tice la verità

nu bbe creduto

e ci dice lu fausu

è secutatu?

 

Le galere su chine

te extracomunitari

e te gente ca bba rrubba

pe mangiare

e ci ha misu su lla strata

tanta gente

se la passa  llecramente.

 

Quarche cosa nu funziona,

sienti a mmie.

Forsi t’ha ncaddhisciatu

cu ni llei te li uai

ca nui facimu

e perciò n’ha lassatu

a llu destinu

ca nui stessi

n’imu frabbecatu?

 

Ma ieu te preu:

dinne a Patrita

cu nde fazza

quarcheduna te le soi,

nu dicu cu ni manda lu diluviu

o cu SSignuria scindi n’autra fiata

fra de nui

ma cu ognetunu

se ddurmisca moi

e cu sse ddisceta

facimu tra bint’anni

senza odiu, senza cuerre

e senza nfanni.

 

Pe lla verità

mo ca ci sta penzu

nu su propiu sicuru

ca tra bint’anni

le cose cangianu deveru,

me sta recordu

ca trent’anni rretu

t’aggiu fattu sta stessa prechiera

e te certu nun bbè cangiatu

propiu nienti

anzi su aumentate le cuerre

li latri, li mbrugghjuni

e li delinquenti.

 

SSignuria

cu ddha legge

te lu libberu arbitriu

n’ha rruenati

percè ha lassata tutta a nui

la responsabilità te le peccati.

 

Perciò Te preu:

libberani te lu male

e a cci ni coverna

llea l’idea te onnipotenza

se no tra picca rriamu

ca per ricunuscenza

nu sulu le beddhe strei,

ca rendenu llecra  la residenza

ma , comu ddhu romanu

mperatore,

puru nnu cavallu

lu face senatore.

 

 

***

 

Figghiuma se sta sposa

 

Ni l’aggiu dittu a figghiuma

ca ole cu se sposa:

“Lu matrimoniu, saccilu,

nu mbè nna nuula rosa.

 

Doppu li primi misi

se ncigna a rrozzulare

e dopu ddo,tre anni

cuminci a bbastemare:

“Ci me la fice fare

cu me sposu a quista,

oh, la ccappai trista,

nnu ssape cucenare,

pe nnienti se la mmersa

e ieu comu nnu fessa

ni cercu puru scusa

se la isciu depressa.”

 

La dumineca, poi, ete nna trasçedia,

tie uei  bbiti

a santa pace la partita

e iddha se lamenta e rita

ca l’unicu giurnu te svagu

lu passi te sulu

nnanti a lla televisione ssettatu,

ca iddha  tutta la semana ha fatiatu

e ae puru dirittu

cu bessa, cu sse squaria

e biscia gente,

quistu cerca sulamente.

 

Tie cu te la lliei te nanti

ni dici :

« Iessi cu mammata o cu nn’amica. »

Iddhra te respunde rraggiata:

“ Su zzita o mmaretata?”

 

Pe lla verità

nun ha lassare a lla mugghiere

troppa libertà.

Le fimmene te moi suntu spruntine

nun ci ole nienti

cu lassanu la casa e lu maritu

pe nnu megghiu partitu

o se quarche masculu

malentenziunatu

ni dice ddo palore duci,

alla ragione cchiui nun le nduci.

 

Perciò,  aggiu dittu a figghiuma:

“Sientime a mie,

nu te nzurare,

moi nu bbete

comu alli tiempi mei,

ca se ulìi nna fimmena

te lì prima spusare,

moi ddenta cumpagna te vita

e appena te ncaddhrici

o la passione è finita

senza rancore, senza rumore

senza carte bbollate

ognetunu pigghia autre strate.”

 

“Papà, – m’ha respustu –

cce cunsigli me sta dai,

ieu me sta sposu crai.

Ni ogghiu bbene

alla Floriana mia

e bbeddha e bbona

e uei cu la perdu ?

Largundesia!”

 

“Eccu, puru li numi su cangiati,

prima le fimmene se chiamanu

Ndaticchia, Carmelina, Cuncettina, Nunziatina,

tutti numi te la Matonna,

ca te dianu nnu certu affidamentu… »

« Cce centra stu commentu. »

« Ccentra, ccentra, la fimmena

nu tenia tanti riδδi  pe lla capu,

sse ccuntentà te nnu carizzu,

te nnu asu,

moi te nde dice de tutti li culuri

se alla festa soa nu nni purti li fiuri

e te rita nnanti a tutti quanti

se nu la tratti cu lli guanti.”

“Bbasta, papà, me sta mpaccisci!”

 

“Aggiu capitu,  nu me sta cridi

uei propiu cu patisci,

ma se uei capisci

comu se trasforma

mugghiereta

tra bint’anni

socrata ha uardare,

statte sicuru

ca ddenta comu a iddha

tale e quale.”

 

“Papà, me sta faci perdere tutta la puesia…”

“Cce puesia e puesia,

uarda lu socru tou

cu ddha mugghiere

comu ha ddentatu.

Ddhu pueru disgazziatu

ha perdutu la uce

nu parla e nu musce .”

 

“Papà, nu te preoccupare

ieu nu nci ccappu,

quandu isciu la maleparata

cchiuttostu me nde scappu…”

“Sine, quandu è troppu tardu…”

 

Piccinni mei, ca uliti bbu nzurati,

lu matrimoniu

è megghiu cu llu rimandati.

La convivenza

ete nna magnifica truata,

appena quarche cosa te ae storta

sbatti la porta

e pigghi nn’autra strata.

 

 

***

 

Lu migrante

 

Lu ttruai intru allu purtune te casa mia

scusu a nn’angulieddhu,

dddurmesciutu,

era niuru comu a nnu craune

ma parìa nn’aceddhru

te lu nidu cadutu.

 

Era nna sira te state

ma facia friddu e ientu,

tuttu te paru me parìu

te sentire

nnu lamentu.

Me nvicinai, lu uardai

ma iddhru nu me etiu

nè me sentiu

intru allu sennu

chiangia,

e a mmie

me parse ca decìa:

“Mamma mia!”

 

Pruai nna stritta a llu core,

pensai a llu tolore

te ddhra mamma luntana

ca l’ìa istu partire

senza cu bb’aggia speranzia

cu lu pozza cchiui etire.

 

Penzai a ddhri spenturati

ca se mintenu a mare

su nna bbarca scasciata

pe nnu stuezzu te pane.

 

Canuscenu sulu la fame,

la guerra, la carestia

e cu la finiscenu

cu ddhru straziu

e ddhra ngunìa

hanu ddunca ccappa e ssia.

 

Li spinge la fete,

e lu periculu

nu nni ferma lu pete.

 

Lu vagnone apriu l’ecchi

e me uardau,

se mpaurau

e fice pe scappare

poi se fermau,

turnau a rretu,

la manu me pigghiau e,

quasi chiangendu, in dialettu

me disse:

“Tie sinti mamma,

nu me cacciare

ieu nu fazzu male.”

 

Intru te mie penzai:

“Simu nui bbianchi

ca bbu imu sempre fattu male.

Ne li tiempi ntichi

bbu imu strappati te la terra oscia

e bbu imu lliatu la libertà,

bbu imu nvasu lu paise

e purtatu quasi sia la civiltà

fatta te sfruttamentu, guerre,

fame e nfamità.”

 

“Nu te preoccupare - ni dissi

scuncertata-

uei nna cuperta

uei mangi?”

Me fice segnu te none,

me tisse ca lu crai ìa partire

cu ccogghia

prumitori

intru a lle terre

te Foggia.


Torna su