| Tùtici poisie (in dialetto di Parabita) |
 |
 |
 |
| Poesia salentina |
| Venerdì 24 Dicembre 2010 09:18 |
|
A lla ’mpete
Cci bbulia ‘bbegnu cu ttie a lla ’mpete a mmenzu ‘e stelle quandu ‘a luna se ‘nfàccia ripa ripa a llu pansieri ogne ssira rricamata su’ llu core
A lla ’mpete
‘ncaddarati te culori e
dde marisci strapassati te ricordi e dd’armunie mmiscati fra lu ‘ndoru te l’ulie a lli misteri te bbrufumu te menta e petrusinu quandu ne cchiamu quandu ca nci simu
A lla ’mpete cu ccarisciamu ‘llecrie senza pisu nu sonnu te ricali e dd’emozzioni t’ogni jaggiu ‘ncuddhratu mentru mmoi all’ùrtimi ssanducchi sull’àsciucu a lla ’mpete
E nu ssapimu ci ‘u teatru mòscia fra lanterne cantinelle e ccraticciate quarche ulu te cumete perze e zate comu litratti t’addhri tiempi e d’addhri ‘nfanni
Veni e ‘llucisci sule le nuveje e ‘mpija maravije susu ll’onde te mmane intr’a muttura e ppoi la sira prima t’u Rusariu Cci ‘bbulia bbegnu cu ttie a lla ’mpete a mmenzu ‘e stelle quandu ‘a luna se ‘nfàccia ripa ripa a llu pansieri ogne ssira rricamata su’ llu core Te osci ticinnove novembre.
(19.11.2001 h. 18,38)
***
‘A luna jeu tie l’addhri e lle cose
I
‘A luna jeu tie l’addhri e lle cose la terra e llu mare
cu lli maluni ‘perti ‘ssusu ‘a banca e ccu ’nna rosa tisa intr’a nnu calu russa prasciata sula comu ll’addhre luntane pe’ nnu bballu te lu core
II
rricali su’ ‘sta terra cadda te sule e ccanti te cicale
III
Cuncertu te silenzi e dde ruvezzi
IV
Marisci ‘nsiddhrisciati te palore titte ‘ntise a nnui t’ogni ppansieri ‘mmiratu intr’u teatru a ccantinelle zate ricurdate
te chianti e dde ‘llecria vasate
V
comu tanti ggirasoli ca se ‘mmùtene a llu sule
VI
E ppoi li russi ‘nterra intr’a lla terra russa ‘ssutta ll’àrbuli t’ulìe crutte te sparanza ‘rrustuti te sciarocchi e bbrofumati te l’argentu te la luna
VII
Comu méndule culumbi e ccalarise e ppire e bbruni e ssite
e nnui fuscendu cantandu intr’a carrara
VIII
‘u coppu comu conca t’acqua chiara pe cci’ se ‘mmira o ci’ se mmoddhra ‘i musi pe’ ‘n’addhru jàggiu
IX
Puru ‘i cardilli sguàriene cu nnui e nnui ne canuscimu comu iddhri bballandu ‘mmenzu ‘ll’ària intr’i culori t’gni rricordu rripa ripa ‘mmare
X
l’acqua te cisa’ quale pardunu se manìscia cu ttuppa su’ lli scoji e ppoi cu ttorna ‘rretu a bbane e bbeni comu palore comu cose e ssoni
XI
E unu comu l’addhru comu scemme o fiuri quandu ‘u jentu ondulìscia li culori e scasa ‘nciarfisciandu maravije te muttura
XII
A ddhrai bbabbate luci janche janche te luna nova catuta ‘mmenzu ‘nnui
XIII
‘A luna jeu tie l’addhri e lle cose la terra e llu mare
XIV
E rripìja lu jàggiu n’addhra fiata caracati t’ogni ‘ncantu intr’i misteri te tanta Luce nui nu nne fitamu mancu ‘rrifiatamu
àngili cchiu’ ddhrai te crai te jeri pittati su’ ppresepi te murteddhra
pe’ ‘nn’addhra luna a nnui sempre cchiu’ bbeddhra
XV
Mmasura mmasura le stelle ccumenza ccumenza cu ppitti raccoji le cose cchiu’ bbelle
te petre t’i canti t’i rucchi t’u mare t’i fiuri t’u core ‘nturtìja pansieri e ssanducchi
mmanéscia ‘na storia t’amore.
(28.07.2002 h.7,53)
***
Certu
Quandu mìntene ‘e curiere pe’ lla luna ne facimu ‘u bijettu ‘na settimana prima Poi ne ccattamu ‘na camicetta a fiuri e ne vastimu t’àrbuli te pignu te ddhra’ ssusu pensu ca se scopre tuttu fiche e maluni e àrbuli te mendula ‘e barche a mmare cu lle lampare tutte ddumate E ttutti quiddhri ca vane ‘mmuntunati secutandu cumete cantandu ogni tantu canzune nove Certu nc’è ‘tte rraoti ca se chiute ‘u sipariu e ca forsi sulu ttocca ‘nde porti ‘e segge.
(05.07.1981)
***
Cumete
I
Himu vistu ulare tante cumete culori culori cumete t’ogni giurnu A ssusu ll’àrbuli erti a ssusu ‘e case
Purtane a ‘ngiru pansieri te cacchiame te sbreje e dde lumini te notti te giurni longhi te misi sani sani
t’acqua e dde sutore te cose titte e ntise te palore cumete comu pàmpene te fiche ca càtene bbabbate quandu ‘ncora sta bàllene turmendo
cumete viste a ‘nsonnu a occhi ‘perti ‘mparàte e riscurdate
vicine comu ‘nzàlichi te via luntane intr’’a pinneddhri e tele ‘ncuddhrate a lli culori e canti te amori vecchi e novi
II
Pansieri ‘ttaccati a llu filu
Cumete all’aria ‘perta intr’a nuveje janche ‘nsiddhrisciate te sule te sira e dde matina ci s’aza ‘u jentu le ‘mmisca a lli cardilli e ttìrene cchiu’ fforte - te scàppene te manu - poi le ripiji e ddane capuzzate
‘rreutate sbàttene le cute a catineddhra e ttie te presci e poi ne ‘llenti ‘a corda e bbane cchiu’ ssusu te le stelle
III
Sciati cumete ‘nturtijiate te palore pittate cu lla penna e cu llu core Sciati e nu’ pansati a nnui ca stamu su’ ‘sta terra ricamandu sciurnate te petre ‘ntiche finchettantu nu’ ‘nne ‘mmùtene te nùmiri scazati Sciati all’aria ‘ui nu’ ‘nci pansati!
(24 Agosto 1984)
***
Marìsciu te Natale
‘A luna comu ‘u sule tante fiate se manìscia cu sse mmasura sula a mmenzu ‘ttante stelle sparpajate cusì oltre ogni ‘ndoru te luci te lanterne ‘mpise susu susu a ccraticciate intr’a tteatri ‘perti intr’a nnui ‘na fiata l’annu Tie a mmanu ‘na francata te culori cu ppitti maravije ‘ncartate comu ricali pe’ nnui ca ddisegnamu ùli te cumete e nne prasciamu a rretu ‘lli Re Mmaggi manu cu mmanu mentru ‘a luna ne ùnge tutt’e sire te misteri te luce janca janca.
(26.12.03 h. 15,12)
***
‘Na luna pittata te russu e dde blu
‘Na luna pittata te russu e dde bblu pintisciata te giallu e dde jancu ‘mpisa a llu spacu
‘u mare celeste leggeru te celu celeste leggeru
‘i rizzi ‘u limone e lle cozze ‘u purpu lu casu e llu pane ‘micìzia te gente luntana com’ogni pansieri scunchiusu te musi pittati te jaggi cu llu spècchiu lassatu ‘ddhra ffore
facciffrunte a lla torre sgarrata ‘na cumeta pansata prasciata benatitta a llu jentu te moi.
(15.04.09 – h. 20,21)
***
Sciòscia
Nu mme ddummandare mie ca ‘ncora portu traìni te maravije
‘A vita ne ‘llucisce misteri te culori te tanti jaggi cu lli stessi fazzuletti
li sbaji, le bbuscie le friseddhre te ‘na sira caracate te rienu ‘nnanzi ‘mmare
pittandu àngili e buttije
Ci sa’ cu ppensi ‘ncora ca la luna ‘ntornisciata te stelle tutt’e sire bbabba a ‘nnanzi ‘u sule ca la dduma raccoji matreperle te pansieri
e mmìnele a llu jentu comu sempre
sciòscia.
(14.7.1996 h.18,57)
***
Te celu sta ccate intr’a mmare
Te celu sta ccate intr’a mmare ‘na luce brillante spacchiùsa ‘u jentu ‘ncarizza ‘na barca
luntana prasciàta scurnusa e ss’aza te costi nu sciocu te ‘ndori te menta e dd’ulie ‘e pacce scalìscene l’aria e llu core ssammutta t’amore
se scunde intr’a neja ‘u culore te l’àngili ‘mpisi a llu spacu ‘e crape ssattate a ddoi ddoi ‘u musciu nu sìcchiu e llu lupu ‘u craparu ca canta canzune te paru a lli sonni sunnati
n’addhr’ulu te ppansieri scijatu santu Roccu intr’u nnìcchiu a lle macche
‘e sarmente ‘ttaccate la sira ‘e ramaje mmuddhrate te mmane ognetunu se vasa lu giurnu pe’ rricalu e pposie ‘ncantate
addhre palore ‘ssusu ‘a colunnetta.
(07.02.06 – h. 13,29)
***
To’ francate
To’ francate te pasta to’ francate te luna to’ francate te celu pe’ ttie ca cusi scusi sciurnate ‘mpise a llu jaggiu comu sira ‘llucisciuta a lle stelle to’ francate te luce intr’a luce t’u scuru intr’i culori t’u core intr’a mmare ogni giurnu to’ francate t’amore.
(10.2.2002 h. 00,16)
***
‘U celu crìggiu
‘U celu crìggiu è ccomu ‘e matreperle se vite cchiui te jernu quandu ‘u verde te l’àrbuli t’ulie ete cchiu’ vverde e cquandu ‘u celu crìggiu se strazza ‘ssutta ‘mmare e dduma tanti russi e ggialli e rrosa ddisegna le nuveje vacabbonde nui fuscimu a ssusu ‘i monti erti cu bbitimu ‘i quatri t’u Signore e nne ‘nguacchiamu te luce te tanta luce a lla nchianata ma a ttie ci nu tte piace ‘u celu crìggiu pija t’intr’a ‘ttie nu picca te celeste e ddani ‘na llappata.
(1999)
***
‘U specchiu sape
T’ha’ ‘mpizzata a mmenzu mmenzu ‘i musi ‘ncaddarati te russettu e ll’occhi blu a ‘nfacce ‘na manu te ‘mbiancata te cìpria colurata
Si’ tantu beddhra a’ sscire cu tte mmàscari a ddhru motu
‘Mpisi ‘i ricchini t’oru a ‘mpiettu matreperle russe e ggialle fiuri a ‘ncapu intr’i capiddhri a ttoppu
Però nu ssinti tie a mmenzu ‘a via
Quandu a lla mmane t’azi ‘u specchiu sape te viti cchiu’ lluntana te lu jeri e tte ‘mpauri ca lu tiempu fusce
Poi ci te quardi intr’a te tie te senti bbeddhra e llu core te pitta te ‘llecrie te ssetti ‘rricami cu ttutti to’ mani.
(07.07.83)
***
Ulìa ‘bballu cu ttie
Ulìa ‘bballu cu ttie ‘na vèspara ‘na sira ‘na pizzicheddhra ripa ripa ‘mmare cu llu silenziu tuttu intr’a ‘nna fiata Nu stianu russu mentru ‘ssutta ‘i peti ‘na camicetta janca rricamata te pizzu trapanata te luce te tramontu e lli capiddhri tutti ‘nturtijati ca ùlene scijati comu ddhre zacareddhre ‘ttaccate su lla frunte. Tie te mmischi a lle palore a lle canzune a llu jentu scasatu ca ‘nciarfìscia a nfacce ‘nnu tamburreddhru E ss’àzene emozzioni t’intra intra t’intr’a ‘llu core su’ llu nzalacatu cu ‘nnu chiasciune ‘nterra bbeddhra tie ci t’acchi comu scemma ca llucisce comu ampa ca ddarlampa comu mare ca ttuppa su’ lli scoji jancu ertu e ttorna e ‘mpìja misteri te cumete jat’a ttie.
(06.06.04 h. 19,49)
|
